Friday, October 24, 2014

ജീവിക്കുവാനായി ജീവിതം തുലയ്ക്കുന്നവർ ......

ചില നേരങ്ങളിൽ......
 നിലാവിൽ പെയ്യുന്ന ചാറ്റൽ മഴയും...
ചീവിടിന്റെ കരച്ചിൽ ശബ്ദവും ............

പുസ്തകങ്ങൾ മാറോടടുക്കി പിടിച്ചു നടന്നു നീങ്ങുന്ന
നീളൻ പാവാടകാരി പെണ്‍കുട്ട്യോളും .....
ടാർ ഇടാത്ത വഴിയരികിലെ തോട്ടാവടികളും ..
കെട്ടികിടക്കുന്ന ചെളി വെള്ളവും..
.
കൂട്ട് കൂടി സൊറ പറച്ചിലും വായിനോട്ടവും കളിയും ചിരിയും നിറഞ്ഞ
വൈകുന്നേരങ്ങളും....
ഇന്ധനം തീർന്നു വഴിയരികിൽ ഒരു കുപ്പി പെട്രോളിനായി
കാത്തു നിൽകുമ്പോൾ ഉള്ള ജാള്യതയും..
..
അമ്മയുടെ പേഴ്സിൽ നിന്ന് മോഷ്ടിച്ച്
പത്തു രൂപയുടെ റീചാർജ് ചെയ്തുള്ള മിസ്‌ കാളുകളും
ഉത്സവ സീസണുകളിൽ അമ്പല പറമ്പുകളിലെ മായ കാഴ്ചകളും

ഒരായിരം വട്ടം രാവുകളിൽ ഓർമ്മയുടെ ഹൃദയ ഭിത്തികളിൽ
നോവിന്റെ വേലിയേറ്റ തിരകൾ അടിച്ചു തല്ലാറുണ്ട് ..

എങ്കിലും ഇതെല്ലാം എല്ലാ മാസവും പത്തിന്
ശമ്പള അക്കൌണ്ടിൽ നിന്ന് കിട്ടുന്ന കുറച്ചു
ദിർഹങ്ങളുടെ കിലുക്കത്തിൽ വെറും ഓർമ്മകളാക്കി
നിർത്തുവാൻ ആണ് ഞാനുൾപ്പെടെ ഉള്ള എല്ലാ പ്രവാസികളുടെയും വിധി ..........

ജീവിക്കുവാനായി ജീവിതം തുലയ്ക്കുന്നവർ ......

1 comment:

  1. വഴിത്താര സുഗമമാവട്ടെ!
    ആശംസകള്‍

    ReplyDelete